តើពន្លឺរបស់ទូរស័ព្ទស្មាតហ្វូនជះឥទ្ធិពលដល់ខួរក្បាល និងខ្លួនប្រាណរបស់អ្នកយ៉ាងដូចម្តេច?
ដោយ Kevin Loria និង Skye Gould
- មានអ្វីមួយដែលមានអំណាចមិនគួរឲ្យជឿអំពីពន្លឺពណ៌ខៀវដែលអ្នករចនាអេក្រង់ទូរស័ព្ទស្មាតហ្វូន ធេប្ល៊ីត និងកុំព្យូទ័រយួរដៃរបស់យើង អាចបង្កើតឡើងបាន។ ពន្លឺនៅក្នុងអេក្រង់ទាំងនេះបញ្ចេញយ៉ាងខ្លាំងដែលយើងអាចមើលឃើញអេក្រង់ទាំងនោះសូម្បីតែនៅពេលថ្ងៃដែលមានពន្លឺថ្ងៃ។ នៅពេលយប់ អេក្រង់មានពន្លឺគ្រប់គ្រាន់ល្មមដែលអាចត្រូវបានប្រៀបប្រដូចបានទៅនឹង “បង្អួចតូច” មួយ ដែលពន្លឺថ្ងៃអាចជ្រៀតចូលមកបាន។
- ហេតុដូច្នេះហើយបានជាការសម្លឹងមើលទូរស័ព្ទរបស់លោកអ្នកនៅពេលយប់គឺជាទង្វើមិនល្អមួយ តែទោះជាយ៉ាងណា វាមានការលំបាកក្នុងការបញ្ឈប់ទម្លាប់នេះ។
- ខ្លួនប្រាណរបស់យើងជាធម្មជាតិដើរតាមវដ្តមួយដែលជួយយើងឲ្យដឹងខ្លួននៅពេលថ្ងៃ និងជួយយើងឲ្យចូលសម្រាកនៅពេលយប់។ ប៉ុន្តែនៅពេលយើងសម្លឹងមើលអេក្រង់ទាំងនេះ ខណៈពេលដែលយើងត្រៀមខ្លួនរួចរាល់ហើយក្នុងការចូលគេងនោះ ខួរក្បាលរបស់យើងមានភាពច្របូកច្របល់។ ពន្លឺនោះមានឥទ្ធិពលស្រដៀងគ្នាទៅនឹងពន្លឺព្រះអាទិត្យនៅពេលព្រឹក ដែលបង្កឲ្យខួរក្បាលឈប់ផលិតអ័រម៉ូនមេឡាតូនីនដែលផ្តល់ឲ្យខ្លួនប្រាណរបស់លោកអ្នកនូវសញ្ញាបញ្ជាក់ថាដល់ “ពេលវេលាត្រូវសម្រាក”។ តាមរយៈការរារាំងផលិតកម្មអ័រម៉ូនមេឡាតូនីន ពន្លឺទូរស័ព្ទស្មាតហ្វូនអាចរារាំងដល់វដ្ដដំណេករបស់លោកអ្នកផងដែរ ដូចជាការធ្វើឲ្យយើងអស់កម្លាំងដែលស្រដៀងទៅនឹងការអស់កម្លាំងដោយសារការធ្វើដំណើរផ្លូវឆ្ងាយដូច្នេះដែរ។ ការណ៍នេះធ្វើឲ្យវាកាន់តែលំបាកក្នុងការដេក ហើយអាចបង្កឲ្យមានបញ្ហាសុខភាពធ្ងន់ធ្ងរទៅតាមនោះផងដែរ។
- ខាងក្រោមនេះគឺជារបៀបដែលពន្លឺអេក្រង់ទូរស័ព្ទស្មាតហ្វូនប៉ះពាល់ដល់លោកអ្នក៖
Skye Gould/Business Insider
- ដើម្បីប្រយុទ្ធប្រឆាំងនឹងបញ្ហានេះ ក្រុមអ្នករចនាកម្មវិធីបានបង្កើតកម្មវិធីនានាដូចជា lux និងម៉ូដ Night Shift របស់ក្រុមហ៊ុន Apple សម្រាប់ទូរស័ព្ទ iPhone ដែលកម្មវិធីទាំងពីរនេះកែសម្រួលកម្រិតពន្លឺដែលបញ្ចេញដោយអេក្រង់ ដើម្បីជម្រុះចោលពន្លឺពណ៌ខៀវពីអេក្រង់នៅពេលវេលាមួយចំនួននៅពេលថ្ងៃ។ អ្នកប្រើប្រាស់ជាច្រើនទទួលបានផលល្អពីឥទ្ធិពលនៃកម្មវិធីទាំងនេះ ហើយពន្លឺពណ៌ទឹកក្រូចដែលកម្មវិធីទាំងនោះបង្កើតឡើង ពិតជាជួយកាត់បន្ថយផលប៉ះពាល់ដល់ភ្នែក។ ប៉ុន្តែបើទោះជាមានការស្រាវជ្រាវមួយចំនួនដែលបង្ហាញថា ពន្លឺស្រទន់អាចជួយលើកកម្ពស់ដំណេកក្តី ក៏ការសិក្សាជាច្រើនចាំបាច់ត្រូវធ្វើឡើងអំពីប្រធានបទនេះជាទូទៅ។
- បើទោះជាមានភាពប្រសើរឡើងមួយចំនួនក្តី ក៏រឿងរ៉ាវជាច្រើនផ្សេងទៀតដែលយើងធ្វើជាមួយទូរស័ព្ទរបស់យើងក៏មិនជួយឲ្យយើងគេងលក់នោះដែរ។ ប្រសិនបើលោកអ្នកកំពុងត្រៀមខ្លួនចូលគេង ហើយស្រាប់តែអ៊ីមែលការងារពេលយប់ជ្រៅត្រូវបានផ្ញើមក ការណ៍នោះអាចបំផ្លាញដំណេករបស់លោកអ្នកជាងការបញ្ចប់ដំណើរការផលិតកម្មអ័រម៉ូនមេឡាតូនីនទៅទៀត។
- ប្រសិនបើលោកអ្នកអាចបញ្ជាខ្លួនឯងបាននោះ ទម្លាប់ដ៏ប្រសើរបំផុតរបស់លោកអ្នកគឺត្រូវរក្សាឲ្យឧបករណ៍អេឡិចត្រូនិចទូទៅឲ្យនៅឆ្ងាយពីលោកអ្នកមុនពេលលោកអ្នកគេងលក់ ដោយយ៉ាងហោចណាស់ព្យាយាមរក្សាឧបករណ៍ទាំងនោះឲ្យនៅឆ្ងាយពីគ្រែរបស់លោកអ្នក។
ប្រែសម្រួលដោយ៖ សាលាអន្តរជាតិហ្គោលដិនប៊្រីជភ្នំពេញ
ទីតាំងទី១៖ #៣ ផ្លូវ៣៣៥, សង្កាត់បឹងកក់១ ខ័ណ្ឌទួលគោក រាជធានីភ្នំពេញ
Main Campus: #3, Street 335, Khan Tuol Kork, Phnom Penh
Tel: 023 5000 988 / 076 5000 988
Email: infor.gbispp@gmail.com
Website: www.gbispp.com
Facebook Page: www.facebook.com/gbispp
ទីតាំងទី២៖ #២២ ផ្លូវ ៦១៤ កែង ២៩៥ សង្កាត់បឹងកក់២ ខណ្ឌទួលគោក រាជធានីភ្នំពេញ
Second Campus: #22, Street 614 & 295, Khan Tuol Kork, Phnom Penh
Tel: 077 890 888 / 088 5000 988
Email: infor.gbispp@gmail.com
Website: www.gbispp.com
Facebook Page: www.facebook.com/gbispp