ហេតុផល ១០យ៉ាងដែលអ្នកមិនគួរឲ្យកូនរបស់អ្នកលេងទូរស័ព្ទស្មាតហ្វូន ឬអាយផែត
ដោយ Alex Santoso
មុនពេលដែលអ្នកហុចទូរស័ព្ទស្វាតហ្វូន ឬអាយផែតរបស់អ្នកទៅឲ្យកូនអ្នកដើម្បីឲ្យពួកគេនៅស្ងៀម ចូរដឹងថា៖ លោក Chris Rowan អ្នកជំនាញអាជីពផ្នែកព្យាបាលកុមារ បានដាក់ចេញហេតុផល ១០យ៉ាងថាតើហេតុអ្វីបានជាអ្នកមិនគួរឲ្យកូនរបស់អ្នកលេងរបស់នេះ។
កុមារអាយុចន្លោះពី ៣ ទៅ ៥ ឆ្នាំដែលប្រឈមទៅនឹងបច្ចេកវិទ្យាច្រើនជាង៤ម៉ោងក្នុងមួយថ្ងៃ រួមទាំងប្រើប្រាស់ឧបករណ៍កាន់នឹងដៃដូចជាទូរស័ព្ទដៃ កុំព្យូទ័រធេប្ល៊ីត និងហ្គេមអេឡិចត្រូនិច អាចបង្កើតឲ្យមានបញ្ហាឥរិយាបថធ្ងន់ធ្ងរ និងសូម្បីតែបង្កឲ្យមានពន្យាពេលដល់ការអភិវឌ្ឍកុមារផងដែរ។
ហេតុដូចនេះ លោក Rowan កំពុងអំពាវនាវឲ្យឪពុកម្តាយ គ្រូបង្រៀន និងសូម្បីតែរដ្ឋាភិបាលឲ្យហាមឃាត់ការប្រើប្រាស់ឧបករណ៍កាន់នឹងដៃទាំងអស់ដល់កុមារដែលមានអាយុក្រោម ១២ ឆ្នាំ។ នៅក្នុងការចេញផ្សាយអំពីបញ្ហានេះនៅលើសារព័ត៌មាន Huffington Post លោក Rowan បានពន្យល់ហេតុផល ១០យ៉ាងដែលត្រូវបានសង្ខេបដូចខាងក្រោម៖
- ការប្រឈមនឹងបច្ចេកវិទ្យាមានផលអាក្រក់ដល់ការអភិវឌ្ឍខួរក្បាលរបស់កុមារចាប់ពីអាយុ ០ ទៅ ២ឆ្នាំ។
- ការប្រើប្រាស់បច្ចេកវិទ្យា រឹតបន្តឹងដល់ការធ្វើចលនា ហើយហេតុដូចនេះបង្ករឲ្យមានពន្យាពេលដល់ការអភិវឌ្ឍន៍រាងកាយ។
- ការមើលទូរទស្សន៍ និងប្រើប្រាស់វីដេអូហ្គេមមានទំនាក់ទំនងជាមួយការកើនឡើងនៃការឡើងទម្ងន់ជ្រុល។
- ៧៥% នៃកុមារដែលប្រើប្រាស់បច្ចេកវិទ្យានៅក្នុងបន្ទប់ដេក បង្កឲ្យមានការដេកមិនគ្រប់គ្រាន់។
- ការប្រើប្រាស់បច្ចេកវិទ្យាជ្រុលគឺជាកត្តាមួយបង្កឲ្យមានជំងឺធ្លាក់ទឹកចិត្ត ភ័យខ្លាច និងជំងឺស្មារតីផ្សេងទៀតចំពោះកុមារ។
- ប្រព័ន្ធផ្សព្វផ្សាយដែលមានអំពើហិង្សាអាចបង្កឲ្យកុមារកើតមានភាពឆេវឆាវ។
- “ជំម្ងឺវង្វេងស្មារតី”៖ ប្រព័ន្ធផ្សព្វផ្សាយឌីជីថលខ្លាំងពេកបង្កឲ្យការផ្តោតស្មារតី និងការចងចាំធ្លាក់ចុះ។
- ១០% នៃកុមារដែលមានអាយុចន្លោះពី ៨ ទៅ ១៨ឆ្នាំ ញៀនទៅនឹងបច្ចេកវិទ្យា។
- ភាពអាចកើតមានការចេញវិទ្យុសកម្មពីឧបករណ៍ឌីជីថល។
- របៀបដែលកុមារត្រូវបានចិញ្ចឹម និងអប់រំដោយបច្ចេកវិទ្យាមិនមាននិរន្តរភាព។
លោក Rowan ចែករំលែកគោលការណ៍ណែនាំស្តីពីការប្រើប្រាស់បច្ចេកវិទ្យាដ៏សមស្របដល់កុមារទៅតាមអាយុផ្សេងៗដូចខាងក្រោម៖
រក្សាសិទ្ធិ៖ សាលាអន្តរជាតិហ្គោលដិនប្រ៊ីជភ្នំពេញ
